ಬೆಳ್ತಂಗಡಿ: ನಡೆಯಿತು ಬೆಚ್ಚಿಬೀಳಿಸುವ ವಾಮಾಚಾರ - 25 ಆಡುಗಳನ್ನು ಬಲಿನೀಡಿ ಭಾವಚಿತ್ರ ಇಟ್ಟು ಮಾಟಮಂತ್ರ

ಮಂಗಳೂರು: ಸುಂಸ್ಕೃತರ ಜಿಲ್ಲೆಯೆಂದು ಹೆಗ್ಗಳಿಕೆಗೆ ಪಾತ್ರವಾದ ದಕ್ಷಿಣ ಕನ್ನಡ ಜಿಲ್ಲೆಯಲ್ಲಿಯೇ ನಡೆಯಿತು ಬೆಚ್ಚಿ ಬೀಳಿಸುವ ವಾಮಾಚಾರ. 25 ಆಡುಗಳನ್ನು ಬಲಿನೀಡಿ ಸತ್ತ ಆಡಿನ ತಲೆಗಳಿಗೆ ವ್ಯಕ್ತಿಗಳ ಭಾವಚಿತ್ರವಿಟ್ಟು ಮಾಟಮಂತ್ರ ಮಾಡಲಾಗಿದೆ.

ಹೌದು...ಬೆಳ್ತಂಗಡಿ ತಾಲೂಕಿನ ಗರ್ಡಾಡಿಯ ಬೋಳಿಯಾರುವಿನಲ್ಲಿ ಬೆಚ್ಚಿಬೀಳಿಸುವ ವಾಮಾಚಾರ ನಡೆದಿದೆ. ಜಮೀನು ತಕರಾರು ಹಿನ್ನೆಲೆಯಲ್ಲಿ ಈ ವಾಮಾಚಾರ ನಡೆದಿದೆ ಎಂಬ ಆರೋಪ ಕೇಳಿ ಬಂದಿದೆ. ಕೃಷಿತೋಟವೊಂದರ ಮುಂಭಾಗದ ಗೇಟಿನ ಎದುರು ವಾಮಾಚಾರ ನಡೆದಿದೆ. ವಾಮಾಚಾರ ನಡೆದ ಸ್ಥಳದಲ್ಲಿ 25 ಆಡಿನ ತಲೆ, ಮೊಟ್ಟೆ, ಮರದ ಪ್ರತಿಕೃತಿ, ಭಾವಚಿತ್ರ, ಹೂವು ಇಟ್ಟು, ಮೊಳೆಹೊಡೆದು ಮಾಟ ಮಂತ್ರ ಮಾಡಲಾಗಿದೆ.