ಬಾಂಗ್ಲಾದೇಶ: ಮತ್ತೊಬ್ಬ ಹಿಂದೂ ಉದ್ಯಮಿಯ ಭೀಕರ ಕೊಲೆ: ಬ್ಯಾರೆಲ್ನಲ್ಲಿ ತೇಲಿ ಬಂತು ನಾಪತ್ತೆಯಾಗಿದ್ದ ಜ್ಯುವೆಲರ್ ಶವ!
ಬಾಂಗ್ಲಾದೇಶ: ನೆರೆಯ ಬಾಂಗ್ಲಾದೇಶದಲ್ಲಿ ಅಲ್ಪಸಂಖ್ಯಾತ ಹಿಂದೂಗಳ ಮೇಲಿನ ದೌರ್ಜನ್ಯ ಹೆಚ್ಚಾಗುತ್ತಿದೆ ಎಂಬ ಕಳವಳದ ನಡುವೆಯೇ, ಕಳೆದ ಕೆಲ ದಿನಗಳಿಂದ ನಾಪತ್ತೆಯಾಗಿದ್ದ ಹಿಂದೂ ಆಭರಣ ವ್ಯಾಪಾರಿಯೊಬ್ಬರ ಮೃತದೇಹ ಪ್ಲಾಸ್ಟಿಕ್ ಬ್ಯಾರೆಲ್ನಲ್ಲಿ ಭೀಕರವಾಗಿ ಪತ್ತೆಯಾಗಿರುವುದು ತಲ್ಲಣ ಸೃಷ್ಟಿಸಿದೆ.
ಮೈಮೆನ್ಸಿಂಗ್ ಜಿಲ್ಲೆಯ ಸ್ಲೂಯಿಸ್ ಗೇಟ್ ಬಳಿ ನೀರಿನಲ್ಲಿ ತೇಲುತ್ತಿದ್ದ ಡ್ರಮ್ನಲ್ಲಿ ಮೃತದೇಹ ಪತ್ತೆಯಾಗಿದ್ದು, ವ್ಯಕ್ತಿಯನ್ನು ಬೇರೆಡೆ ಕೊಲೆ ಮಾಡಿ ಶವವನ್ನು ಬ್ಯಾರೆಲ್ನಲ್ಲಿ ತುಂಬಿ ಎಸೆದಿರಬಹುದು ಎಂದು ಪೊಲೀಸರು ಶಂಕಿಸಿದ್ದಾರೆ.
ಘಟನೆಯ ಪ್ರಮುಖ ಮುಖ್ಯಾಂಶಗಳು:
ಕೊಲೆಯಾದ ವ್ಯಾಪಾರಿ: ಮೈಮೆನ್ಸಿಂಗ್ನ ಅಥಾರ್ಬಾರಿ ಪ್ರದೇಶದಲ್ಲಿ ಪಾಲುದಾರಿಕೆಯಲ್ಲಿ ಚಿನ್ನದ ಅಂಗಡಿ ನಡೆಸುತ್ತಿದ್ದ ನಿರಂಜನ್ ಚಂದ್ರ ಸೂತ್ರಧಾರ್ (50) ಕೊಲೆಯಾದ ದುರ್ದೈವಿ. ಸೆಪ್ಟೆಂಬರ್ 20 ರಂದು ಮನೆಯಿಂದ ಹೊರಟಿದ್ದ ಇವರು ನಾಪತ್ತೆಯಾಗಿದ್ದರು.
ಗುರುತು ಪತ್ತೆಗೆ ನೆರವಾದ ಟೋಕನ್: ಮೃತರ ಪ್ಯಾಂಟ್ ಜೇಬಿನಲ್ಲಿದ್ದ ‘ಮೈಮೆನ್ಸಿಂಗ್ ಹಿಂದೂ ಕೋಆಪರೇಟಿವ್ ಕ್ರೆಡಿಟ್ ಯೂನಿಯನ್’ ಟೋಕನ್ ಆಧರಿಸಿ ಪೊಲೀಸರು ಕುಟುಂಬಸ್ಥರನ್ನು ಸಂಪರ್ಕಿಸಿದ್ದು, ಪತ್ನಿ ಸುಮೀತಾ ರಾಣಿ ಹಾಗೂ ಮಗ ಶವವನ್ನು ದೃಢಪಡಿಸಿದ್ದಾರೆ.
ದೇಹದ ಮೇಲೆ ತೀವ್ರ ಗಾಯಗಳು: ಶವದ ಮೇಲೆ ತೀವ್ರ ಗಾಯದ ಗುರುತುಗಳಿದ್ದು, ಕೊಲೆಗೆ ನಿಖರವಾದ ಕಾರಣ ಹಾಗೂ ಆರೋಪಿಗಳ ಪತ್ತೆಗೆ ಬಾಂಗ್ಲಾದೇಶ ಪೊಲೀಸರು ತನಿಖೆ ಚುರುಕುಗೊಳಿಸಿದ್ದಾರೆ.
ಅಲ್ಪಸಂಖ್ಯಾತರ ಸುರಕ್ಷತೆ ಕುರಿತು ತೀವ್ರ ಚರ್ಚೆ: ಬಾಂಗ್ಲಾದೇಶದಲ್ಲಿ ಅಲ್ಪಸಂಖ್ಯಾತ ಸಮುದಾಯಗಳ ಮೇಲಿನ ಸರಣಿ ದಾಳಿಗಳು ಹಾಗೂ ಭದ್ರತೆಯ ಕುರಿತು ರಾಜಕೀಯ ವಲಯದಲ್ಲಿ ತೀವ್ರ ವಾಗ್ದಾಳಿ ನಡೆಯುತ್ತಿರುವ ಬೆನ್ನಲ್ಲೇ ಈ ಭೀಕರ ಕೊಲೆ ಸಂಭವಿಸಿದೆ.