![ಬೆಂಗಳೂರು: ಖ್ಯಾತ ನಟಿ ವಿನಯಪ್ರಸಾದ್ ಮನೆಗೆ ಕನ್ನ ; ಬೀಗ ಒಡೆದು ನಗದು ದೋಚಿದ ಕಳ್ಳರು ಬೆಂಗಳೂರು: ಖ್ಯಾತ ನಟಿ ವಿನಯಪ್ರಸಾದ್ ಮನೆಗೆ ಕನ್ನ ; ಬೀಗ ಒಡೆದು ನಗದು ದೋಚಿದ ಕಳ್ಳರು](https://blogger.googleusercontent.com/img/b/R29vZ2xl/AVvXsEgS62IebXKURkYwfZ0SxEIDypQn1DQio5DsJ2NVKrMf_oIOQyP6a7T_sq02ShV3FCzRMI4rTxhzmtLEbZVTmbibXsd5OA5gFnD49bGbBFdy6gVc3IkyOIyCUjijAcyP4v1-UeegVgwKeKM/s1600/1667128552285970-0.png)
ಬೆಂಗಳೂರು: ಖ್ಯಾತ ನಟಿ ವಿನಯಪ್ರಸಾದ್ ಮನೆಗೆ ಕನ್ನ ; ಬೀಗ ಒಡೆದು ನಗದು ದೋಚಿದ ಕಳ್ಳರು
Sunday, October 30, 2022
ಬೆಂಗಳೂರು, ಅ.30: ಖ್ಯಾತ ನಟಿ ವಿನಯಪ್ರಸಾದ್ ಮನೆಯ ಬೀಗ ಒಡೆದು ನುಗ್ಗಿದ ಕಳ್ಳರು ಬೆಡ್ರೂಮ್ನಲ್ಲಿದ್ದ 7 ಸಾವಿರ ರೂಪಾಯಿ ನಗದು ದೋಚಿ ಪರಾರಿಯಾಗಿದ್ದಾರೆ. ಈ ಬಗ್ಗೆ ವಿನಯಪ್ರಸಾದ್ ನಂದಿನಿ ಬಡಾವಣೆ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಿಸಿದ್ದಾರೆ.
ವಿನಯಪ್ರಸಾದ್ ಮತ್ತು ಪತಿ ಜ್ಯೋತಿಪ್ರಕಾಶ್ ಹತ್ರಿ ಅವರು ಅ.22ರಂದು ತಮ್ಮ ಸ್ವಂತ ಊರಾದ ಉಡುಪಿಗೆ ಹೋಗಿದ್ದ ಸಂದರ್ಭದಲ್ಲಿ ಈ ಘಟನೆ ನಡೆದಿದೆ.
ಅ.26ರಂದು ಸಂಜೆ 4.30ರ ಸುಮಾರಿಗೆ ಮನೆಗೆ ವಾಪಸ್ ಬಂದಾಗ ಕಳ್ಳತನ ಆಗಿರುವುದು ಗಮನಕ್ಕೆ ಬಂದಿತ್ತು.
ಮನೆಯ ಮುಂಬಾಗಿಲಿನ ಬೀಗ ಒಡೆದು ಒಳಗೆ ಹೊಕ್ಕಿದ್ದ ಕಳ್ಳರು, ಬೆಡ್ರೂಮ್ನಲ್ಲಿದ್ದ 7 ಸಾವಿರ ರೂ. ನಗದು ದೋಚಿ ಪರಾರಿಯಾಗಿದ್ದಾರೆ. ಈ ಸಂಬಂಧ ನಟಿ ವಿನಯಪ್ರಸಾದ್ ದೂರು ನೀಡಿದ್ದು, ತನಿಖೆ ನಡೆಯುತ್ತಿದೆ ಎಂದು ಪೊಲೀಸರು ತಿಳಿಸಿದ್ದಾರೆ.