ಅಲಿಘಡ :ಅಳಿಯನೊಂದಿಗೆ ಓಡಿಹೋಗಿದ್ದ ಅತ್ತೆ 10 ತಿಂಗಳ ನಂತರ ಸೋದರ ಮಾವನೊಂದಿಗೆ ಎಸ್ಕೇಪ್..!!
ಅಲಿಗಢ: ಕಳೆದ ವರ್ಷ ತನ್ನ ಭಾವಿ ಅಳಿಯನೊಂದಿಗೆ ಓಡಿಹೋದ ಅಲಿಗಢದ ಅತ್ತೆ ಮತ್ತೊಮ್ಮೆ ಸುದ್ದಿಯಲ್ಲಿದ್ದಾರೆ.
ಈ ಬಾರಿ, ಆಕೆ ತನ್ನ ಸೋದರ ಮಾವನೊಂದಿಗೆ ಓಡಿಹೋಗಿದ್ದು ಮಾತ್ರವಲ್ಲದೇ ಎರಡು ಲಕ್ಷ ರೂಪಾಯಿ ನಗದು ಮತ್ತು ಆಭರಣಗಳನ್ನು ದೋಚಿಕೊಂಡು ಹೋಗಿದ್ದಾಳೆ. ಇದರಿಂದ ಅಸಮಾಧಾನಗೊಂಡ ರಾಹುಲ್ ದೂರಿನೊಂದಿಗೆ ಅಲಿಗಢಕ್ಕೆ ಮರಳಿದರು, ಆದರೆ ಪೊಲೀಸರು ಈ ವಿಷಯವನ್ನು ಬಿಹಾರದ ವಿಷಯವೆಂದು ಉಲ್ಲೇಖಿಸಿ ಅವರನ್ನು ಹಿಂತಿರುಗಿಸಿ ಕೈತೊಳೆದುಕೊಂಡರು. ಈ ಜಟಿಲ ಸಂಬಂಧದ ಕಥೆ ಈಗ ಹೊಸ ತಿರುವು ಪಡೆದುಕೊಂಡಿದೆ.
ಮಹಿಳೆಯ ಮಗಳ ಮದುವೆ ಏಪ್ರಿಲ್ 16 ರಂದು ನಿಗದಿಯಾಗಿತ್ತು. ಮನೆಗೆ ಬಣ್ಣ ಬಳಿಯಲಾಗುತ್ತಿತ್ತು, ಸಂಬಂಧಿಕರು ಭೇಟಿ ನೀಡುತ್ತಿದ್ದರು ಮತ್ತು ಮದುವೆಯ ಸಿದ್ಧತೆಗಳು ಭರದಿಂದ ಸಾಗುತ್ತಿದ್ದವು. ಆದರೆ ಮದುವೆಗೆ ಕೇವಲ 12 ದಿನಗಳ ಮೊದಲು, ಊಹಿಸಲಾಗದ ಘಟನೆ ಸಂಭವಿಸಿತು. ಅತ್ತೆ ತನ್ನ ಮಗಳು ಮದುವೆಯಾಗಬೇಕಿದ್ದ ಯುವಕ ರಾಹುಲ್ ಜೊತೆ ಮನೆಯಿಂದ ಓಡಿ ಹೋದಳು. ಅವಳು ಲಕ್ಷಾಂತರ ರೂಪಾಯಿ ಮೌಲ್ಯದ ಆಭರಣ ಮತ್ತು ನಗದು ತೆಗೆದುಕೊಂಡು ಮನೆಯಿಂದ ಓಡಿಹೋದಳು ಎಂದು ಆರೋಪಿಸಲಾಗಿದೆ.
ಕುಟುಂಬದವರ ಪ್ರಕಾರ, ಮಹಿಳೆಗೆ ರಾಹುಲ್ ಫೋನ್ ನಂಬರ್ ಸಿಕ್ಕಿತ್ತು. ಕ್ರಮೇಣ ಅವರ ಸಂಭಾಷಣೆ ಹೆಚ್ಚಾಯಿತು. ಆರಂಭದಲ್ಲಿ, ಅವರು ಮದುವೆಯ ಸಿದ್ಧತೆಗಳ ಬಗ್ಗೆ ಮಾತನಾಡುತ್ತಿದ್ದರು, ನಂತರ ದೀರ್ಘ ಫೋನ್ ಕರೆಗಳನ್ನು ಮಾಡುತ್ತಿದ್ದರು. ಮದುವೆಯ ತಯಾರಿ ಬಿಟ್ಟು ಇವರಿಬ್ಬರ ಪರ್ಸನಲ್ ತಯಾರಿ ಹೆಚ್ಚಾಯಿತು. ಮಹಿಳೆಯ ಪತಿ ಜಿತೇಂದ್ರ, ಮದುವೆಯ ಸಿದ್ಧತೆಗಳಿಗಾಗಿ ಮನೆಗೆ ಹಿಂದಿರುಗಿದಾಗ, ತನ್ನ ಹೆಂಡತಿ ಮತ್ತು ರಾಹುಲ್ 15-20 ಗಂಟೆಗಳ ಕಾಲ ಫೋನ್ ಸಂಭಾಷಣೆ ನಡೆಸುತ್ತಿರುವುದನ್ನು ಗಮನಿಸಿದರು ಎಂದು ಆರೋಪಿಸಿದ್ದಾರೆ. ಆರಂಭದಲ್ಲಿ, ಇದು ಸಾಮಾನ್ಯವೆಂದು ಅವರು ಭಾವಿಸಿದರು, ಆದರೆ ನಂತರ ಅನುಮಾನ ಆರಂಭವಾಯಿತು. ಅಷ್ಟರಲ್ಲಿ ಅವರು ಓಡಿ ಹೋಗಿ ಆಗಿತ್ತು.
ವಿಷಯ ಬಹಿರಂಗವಾಗಿ ಪೊಲೀಸರು ಚುರುಕಾದಾಗ, ಇಬ್ಬರೂ ಅಲಿಘರ್ನಿಂದ ಕಾಸ್ಗಂಜ್ಗೆ, ನಂತರ ಬರೇಲಿಗೆ ಮತ್ತು ನಂತರ ಬಿಹಾರದ ಮುಜಫರ್ಪುರಕ್ಕೆ ಪ್ರಯಾಣಿಸಿದ್ದಾರೆಂದು ತಿಳಿದುಬಂತು. ಅವರು ಕೆಲವು ದಿನಗಳ ಕಾಲ ಅಲ್ಲಿಯೇ ಇದ್ದರು. ನಂತರ ಅವರು ನೇಪಾಳ ಗಡಿಗೆ ಪ್ರಯಾಣಿಸಲು ಸಹ ಯೋಜಿಸಿದ್ದರು. ನಂತರ ರಾಹುಲ್ ತನ್ನ ಮೊಬೈಲ್ ಫೋನ್ ಆನ್ ಮಾಡಿದಾಗ, ಅವರ ಫೋಟೋಗಳು ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗಿರುವುದನ್ನು ನೋಡಿದೆ ಎಂದು ಬಹಿರಂಗಪಡಿಸಿದ. ವ್ಯಾಪಕ ಚರ್ಚೆ ನಡೆಯಿತು. ನಂತರ, ಅವರು ತಾವಾಗಿಯೇ ಹಿಂತಿರುಗಲು ನಿರ್ಧರಿಸಿದರು. ಮುಜಫರ್ಪುರದಿಂದ, ಅವರು ಉತ್ತರ ಪ್ರದೇಶಕ್ಕೆ ಬಸ್ ಪ್ರಯಾಣ ಮಾಡಿ ಅಂತಿಮವಾಗಿ ದಾದನ್ ಪೊಲೀಸ್ ಠಾಣೆಯಲ್ಲಿ ಶರಣಾದರು.