ಮನೆ ಮದ್ದು :ಮಳೆಗಾಲದಲ್ಲಿ ಇರುವೆಗಳ ಕಾಟವೇ?: ರಾಸಾಯನಿಕವಿಲ್ಲದೆ ಅಡುಗೆಮನೆಯ ಈ ಒಂದು ಪುಡಿಯಿಂದ ನಿಮಿಷದಲ್ಲಿ ಇರುವೆ ಓಡಿಸಿ!

ಉಪಯುಕ್ತ ಮಾಹಿತಿ :ಮಳೆಗಾಲದಲ್ಲಿ ಮನೆಯೊಳಗೆ ಇರುವೆಗಳ ಕಾಟ ಸಾಮಾನ್ಯ. ಅಡುಗೆಮನೆಯ ಸಿಹಿ ಪದಾರ್ಥಗಳು, ಸಕ್ಕರೆ ಡಬ್ಬಿ, ಗೋಡೆ ಹಾಗೂ ಪಾತ್ರೆಗಳ ಮೇಲೆ ಸಾಲಾಗಿ ಹರಿದಾಡುವ ಇರುವೆಗಳು ಕಿರಿಕಿರಿ ಉಂಟುಮಾಡುತ್ತವೆ. ಇವುಗಳನ್ನು ಓಡಿಸಲು ರಾಸಾಯನಿಕ (ಕೀಟನಾಶಕ) ಸ್ಪ್ರೇಗಳನ್ನು ಬಳಸಿದರೆ ಮಕ್ಕಳು ಹಾಗೂ ಸಾಕುಪ್ರಾಣಿಗಳಿಗೆ ಆರೋಗ್ಯ ಸಮಸ್ಯೆ ಎದುರಾಗಬಹುದು. ಇದಕ್ಕೆ ನೈಸರ್ಗಿಕ ಹಾಗೂ ಸುರಕ್ಷಿತ ಮನೆಮದ್ದಾಗಿ ‘ದಾಲ್ಚಿನ್ನಿ’ ಬಳಸಬಹುದು.

​ದಾಲ್ಚಿನ್ನಿಯಲ್ಲಿರುವ ತೀಕ್ಷ್ಣವಾದ ಸುವಾಸನೆ ಇರುವೆಗಳಿಗೆ ಇಷ್ಟವಾಗುವುದಿಲ್ಲ. ಹಾಗಾಗಿ ಇರುವೆಗಳು ಓಡಾಡುವ ಜಾಗದಲ್ಲಿ ಇದನ್ನು ಬಳಸುವುದರಿಂದ ಸಮಸ್ಯೆಗೆ ತಕ್ಷಣವೇ ಮುಕ್ತಿ ಪಡೆಯಬಹುದು.

ದಾಲ್ಚಿನ್ನಿ ಬಳಸುವ ಸುಲಭ ವಿಧಾನಗಳು:

​ಪುಡಿ ಸಿಂಪಡಣೆ: ಬಾಗಿಲಿನ ಕೆಳಭಾಗ, ಕಿಟಕಿಯ ಅಂಚು, ಅಡುಗೆಮನೆಯ ಮೂಲೆ, ಸಿಂಕ್ ಸುತ್ತಮುತ್ತ ಹಾಗೂ ಸಕ್ಕರೆ ಡಬ್ಬಿಗಳ ಬಳಿ ಸ್ವಲ್ಪ ದಾಲ್ಚಿನ್ನಿ ಪುಡಿಯನ್ನು ಸಿಂಪಡಿಸಿ. 2-3 ದಿನ ನಿರಂತರವಾಗಿ ಬಳಸಿದರೆ ಇರುವೆಗಳು ಸಂಪೂರ್ಣವಾಗಿ ಮಾಯವಾಗುತ್ತವೆ.

​ದಾಲ್ಚಿನ್ನಿ ಸ್ಟಿಕ್: ಪುಡಿ ಇಲ್ಲದಿದ್ದರೆ ದಾಲ್ಚಿನ್ನಿ ತುಂಡುಗಳನ್ನು (Sticks) ಅಲ್ಮೆರಾ ಹಾಗೂ ಆಹಾರ ಪದಾರ್ಥಗಳ ಡಬ್ಬಿಗಳ ಬಳಿ ಇಡಬಹುದು.

​ದಾಲ್ಚಿನ್ನಿ ಸ್ಪ್ರೇ: ಒಂದು ಗ್ಲಾಸ್ ನೀರಿಗೆ 1 ಚಮಚ ದಾಲ್ಚಿನ್ನಿ ಪುಡಿ ಬೆರೆಸಿ ಸ್ಪ್ರೇ ಬಾಟಲಿಗೆ ಹಾಕಿ, ಇರುವೆಗಳು ಓಡಾಡುವ ಸ್ಥಳಗಳಿಗೆ ಸಿಂಪಡಿಸಬಹುದು.

​ಟೀ ಎಲೆಗಳ ಜೊತೆ ಬಳಕೆ: ಬಳಸಿದ ಟೀ ಎಲೆಗಳಿಗೆ ಸ್ವಲ್ಪ ದಾಲ್ಚಿನ್ನಿ ಪುಡಿ ಬೆರೆಸಿ ಮನೆಯ ಮೂಲೆಗಳಲ್ಲಿ ಇಡುವುದರಿಂದಲೂ ಇರುವೆಗಳನ್ನು ದೂರವಿಡಬಹುದು.

​ಕೇವಲ 1 ವಾರದವರೆಗೆ ಈ ನೈಸರ್ಗಿಕ ವಿಧಾನಗಳನ್ನು ಅನುಸರಿಸಿದರೆ ಇರುವೆಗಳ ಸಮಸ್ಯೆಯಿಂದ ಸಂಪೂರ್ಣವಾಗಿ ಬಿಡುಗಡೆ ಹೊಂದಬಹುದು.