ಆಹಾರ ಆರೋಗ್ಯ :ಫ್ರೈಡ್ ರೈಸ್ ಮಾಡುವಾಗ ಅನ್ನ ಅಂಟಿಕೊಳ್ಳುತ್ತಾ? ಅನ್ನ ಅಂಟಿಕೊಳ್ಳದಂತೆ ಮಾಡಲು ಈ ಅಡುಗೆ ಟಿಪ್ಸ್ ಫಾಲೋ ಮಾಡಿ.!

ಆಹಾರ :ಫ್ರೈಡ್ ರೈಸ್ ಮಾಡುವಾಗ ಅನ್ನವು ಒಂದಕ್ಕೊಂದು ಅಂಟಿಕೊಳ್ಳುವುದು ಒಂದು ಸಾಮಾನ್ಯ ಸಮಸ್ಯೆ. ಆದರೆ ಅಡುಗೆ ಮಾಡುವ ಮುನ್ನ ಕೆಲವೊಂದುವಿಷಯಗಳನ್ನು ಗಮನದಲ್ಲಿಟ್ಟುಕೊಳ್ಳುವ ಮೂಲಕ ಈ ಸಮಸ್ಯೆಯನ್ನು ಬಹುಮಟ್ಟಿಗೆ ಪರಿಹರಿಸಬಹುದು.

ಫ್ರೈಡ್ ರೈಸ್ ಮಾಡುವುದು ಮೇಲ್ನೋಟಕ್ಕೆ ಸುಲಭ ಎಂದು ಅನಿಸಿದರೂ, ಮನೆಯಲ್ಲಿ ಮಾಡುವಾಗ ಅನ್ನ ಅಂಟಾಗಿ ಬಿಡುತ್ತದೆ, ಅಲ್ಲದೆ ರೆಸಿಪಿಯ ರುಚಿಯೂ ಕೂಡ ಹಾಳಾಗುತ್ತದೆ. ಹೀಗಾಗಿ ಹೋಟೆಲ್ ಶೈಲಿಯ ಪರ್ಫೆಕ್ಟ್ ಆದ, ಉದುರು ಉದುರಾದ ಮತ್ತು ರೆಸ್ಟೋರೆಂಟ್ ಶೈಲಿಯ ಫ್ರೈಡ್ ರೈಸ್ ಮಾಡಲು ಮುಖ್ಯವಾಗಿ ಅನ್ನದ ಹದ ಮತ್ತು ಹುರಿಯುವ ವಿಧಾನ ಸರಿಯಾಗಿರಬೇಕು.

ಫ್ರೈಡ್ ರೈಸ್ ಪರಿಪೂರ್ಣವಾಗಿ ಮಾಡುವ ಟಿಪ್ಸ್

​ಅನ್ನವು ಒಂದಕ್ಕೊಂದು ಅಂಟಿಕೊಂಡರೆ, ಮುದ್ದೆಯಾದರೆ ಅಥವಾ ಅಕ್ಕಿ ತರಿ ತರಿಯಾಗಿ ಮುರಿದುಹೋದರೆ ಇಡೀ ಅಡುಗೆಯ ರುಚಿ ಇಡೀ ಖಾದ್ಯದ ರುಚಿ ಮತ್ತು ಹದವು ಹಾಳಾಗುತ್ತದೆ. ಹಾಗಂತ ಯಾವಾಗಲೂ ಅಕ್ಕಿಯ ಗುಣಮಟ್ಟವೇ ಕಾರಣವಾಗಿರುವುದಿಲ್ಲ.

ಕೆಲವೊಮ್ಮೆ ಅಡುಗೆ ಮಾಡುವ ವಿಧಾನವೇ ಅನ್ನವನ್ನು ಅಂಟಂಟಾಗುವಂತೆ ಮಾಡುತ್ತದೆ. ಸಾಮಾನ್ಯವಾಗಿ ಅಪರೂಪಕ್ಕೆ ಒಮ್ಮೆ ಮನೆಯಲ್ಲಿ ಫ್ರೈಡ್ ರೈಸ್ ತಯಾರಿಸುವಾಗ ಈ ಸಮಸ್ಯೆ ಸಾಮಾನ್ಯವಾಗಿ ಕಂಡುಬರುತ್ತದೆ.

ಹೀಗಾಗಿ ಫ್ರೈಡ್ ರೈಸ್ ಮಾಡಲು ಯಾವಾಗಲೂ ಕನಿಷ್ಠ 2-3 ಗಂಟೆಗಳ ಮುಂಚೆ ಮಾಡಿಟ್ಟ ತಣ್ಣಗಿನ ಅನ್ನ ಅಥವಾ ಹಿಂದಿನ ದಿನದ ಅನ್ನವನ್ನು ಬಳಸಬೇಕು. ಪ್ರಸ್ತುತ ಇಂದಿನ ಲೇಖನದಲ್ಲಿ ಫ್ರೈಡ್ ರೈಸ್ ತಯಾರಿಸುವಾಗ ಅನ್ನ ಒಂದ ಕ್ಕೊಂದು ಅಂಟಿಕೊಳ್ಳದಂತೆ ತಡೆಯಲು ಏನೆಲ್ಲಾ ಟ್ರಿಕ್ಸ್ ಅನುಸರಿಸಬಹುದು ಎನ್ನುವುದರ ಬಗ್ಗೆ ಇಂದಿನ ಲೇಖನದಲ್ಲಿ ನೋಡೋಣ

*ಮೊದಲಿಗೆ, ಅಕ್ಕಿಯನ್ನು ಚೆನ್ನಾಗಿ ತೊಳೆದುಕೊಳ್ಳಿ

ಈಗಾಗಲೇ ಹೇಳಿದ ಹಾಗೆ ಫ್ರೈಡ್ ರೈಸ್ ಮಾಡಲು ಅನ್ನವನ್ನು ಬೇಯಿಸುವ ಮೊದಲು ಅಕ್ಕಿಯನ್ನು ಚೆನ್ನಾಗಿ ತೊಳೆಯುವುದು ಬಹಳ ಮುಖ್ಯ. ಅಕ್ಕಿಯ ಮೇಲ್ಮೈಯಲ್ಲಿರುವ ಹೆಚ್ಚುವರಿ ಪಿಷ್ಟವು (starch) ಅನ್ನವನ್ನು ಅಂಟಂಟಾಗಿಸ ಬಹುದು. ಆದ್ದರಿಂದ, ಅಕ್ಕಿಯನ್ನು 3 ರಿಂದ 4 ಬಾರಿ ತೊಳೆಯಿರಿ. ತೊಳೆಯುವಾಗ ನೀರು ಸಾಕಷ್ಟು ಸ್ವಚ್ಛವಾಗಿ ಕಾಣುವವರೆಗೆ ನೀರನ್ನು ಬದಲಾಯಿಸುತ್ತಿರಿ. ಇದು ಮೇಲ್ಮೈ ಯಲ್ಲಿರುವ ಹೆಚ್ಚುವರಿ ಪಿಷ್ಟವನ್ನು ತೆಗೆದುಹಾಕಲು ಸಹಾಯ ಮಾಡುತ್ತದೆ ಮತ್ತು ಅನ್ನ ಬೆಂದ ನಂತರ ಅನ್ನಒಂದಕ್ಕೊಂದು ಅಂಟಿಕೊಳ್ಳದೆ ಬಿಡಿಬಿಡಿಯಾಗಿರಲು ಸಹಕಾರಿಯಾಗುತ್ತದೆ.

*ಅಕ್ಕಿಯನ್ನು ಸ್ವಲ್ಪ ಸಮಯ ನೆನೆಸಿಡಿ

ಅಡುಗೆ ಮಾಡುವ ಮೊದಲು ಅಕ್ಕಿಯನ್ನು ನೆನೆಸಿಡುವುದರಿಂದ ಅಕ್ಕಿ ಕಾಳುಗಳು ಸಮವಾಗಿ ಬೇಯಲು ಸಹಾಯವಾಗುತ್ತದೆ. ಸಾಮಾನ್ಯ ಅಕ್ಕಿಯನ್ನು ಸುಮಾರು 20 ನಿಮಿಷಗಳ ಕಾಲ ಮತ್ತು ಬಾಸುಮತಿ ಅಕ್ಕಿಯನ್ನು ಸುಮಾರು 30 ನಿಮಿಷಗಳ ಕಾಲ ನೆನೆಸಿಡಬಹುದು.

ಆದರೆ, ಅಗತ್ಯಕ್ಕಿಂತ ಹೆಚ್ಚು ಸಮಯ ಅಕ್ಕಿಯನ್ನು ನೆನೆಸಿಡುವುದನ್ನು ತಪ್ಪಿಸಿ. ಅಕ್ಕಿಯನ್ನು ನಿಗದಿತ ಸಮಯಕ್ಕಿಂತ ಹೆಚ್ಚು ಕಾಲ ನೀರಿನಲ್ಲಿದ್ದರೆ, ಅವು ಅತಿ ಯಾದ ತೇವಾಂಶ ವನ್ನು ಹೀರಿಕೊಳ್ಳುತ್ತವೆ. ಇದರಿಂದ ಕಾಳಿನ ಒಳಗಿನ ಪಿಷ್ಟದ (starch) ರಚನೆ ಸಡಿಲಗೊಂಡು,ಅಕ್ಕಿ ಕಾಳುಗಳು ಮೆತ್ತಗಾಗುತ್ತವೆ.

*ನೀರಿನ ಪ್ರಮಾಣವನ್ನು ಸರಿಯಾಗಿ ಇರಿಸಿ

ಅತಿಯಾದ ನೀರು ಅನ್ನವು ಅಂಟಿಕೊಳ್ಳಲು ಪ್ರಮುಖ ಕಾರಣವಾಗಬಹುದು. ಸಾಮಾನ್ಯ ಅಕ್ಕಿಗೆ, ಪ್ರತಿ ಕಪ್ ಅಕ್ಕಿಗೆ ಸುಮಾರು ಎರಡು ಕಪ್ ನೀರನ್ನು ಬಳಸಲಾ ಗುತ್ತದೆ. ಬಾಸುಮತಿ ಅಕ್ಕಿಗೆ, ಪ್ರತಿ ಕಪ್ ಅಕ್ಕಿಗೆ ಸುಮಾರು ಒಂದೂಕಾಲು ಕಪ್ ನೀರನ್ನು ಬಳಸಲಾಗುತ್ತದೆ. ಆದಾಗ್ಯೂ, ಅಕ್ಕಿಯ ಪ್ರಕಾರಕ್ಕೆ ಅನುಗುಣವಾಗಿ ಅಗತ್ಯವಿರುವ ನೀರಿನ ಪ್ರಮಾಣವು ಬದಲಾಗಬಹುದು, ಆದ್ದರಿಂದ ಪ್ಯಾಕೆಟ್ ಮೇಲಿನ ಸೂಚನೆ ಗಳನ್ನು ಗಮನಿಸುವುದು ಉಪಯುಕ್ತವಾಗಿರುತ್ತದೆ.

*ಅನ್ನ ಬೇಯುವಾಗ ಅದನ್ನು ಪದೇ ಪದೇ ಕಲಕಬೇಡಿ

ಅನ್ನವನ್ನು ನೀರಿಗೆ ಹಾಕಿದ ನಂತರ ಅದನ್ನು ಪದೇ ಪದೇ ಕಲಕುವ ಅಗತ್ಯವಿಲ್ಲ. ನಿರಂತರವಾಗಿ ಕಲಕುವುದರಿಂದ ಅಕ್ಕಿ ಕಾಳುಗಳು ಒಡೆದು ಪಿಷ್ಟ (starch) ಬಿಡುಗಡೆಯಾಗಬಹುದು, ಇದರಿಂದ ಅನ್ನವು ಅಂಟಂಟಾಗುತ್ತದೆ. ಅನ್ನವನ್ನು ನೀರಿಗೆ ಹಾಕಿದಾಗ ಒಮ್ಮೆ ಹಗುರವಾಗಿ ಕೈಯಾಡಿಸದರೆ ಸಾಕು. ನೀರು ಕುದಿಯಲು ಪ್ರಾರಂಭಿಸಿದಾಗ ಉರಿಯನ್ನು ಕಡಿಮೆ ಮಾಡಿ, ಪಾತ್ರೆಗೆ ಮುಚ್ಚಳ ಮುಚ್ಚಿ ಅನ್ನವನ್ನು ಬೇಯಲು ಬಿಡಿ.

*ಮೊದಲು ಕುದಿಯುವವರೆಗೆ ಬಿಸಿ ಮಾಡಿ, ನಂತರ ಉರಿಯನ್ನು ಕಡಿಮೆ ಮಾಡಿ

ಅಕ್ಕಿಯನ್ನು ಆರಂಭದಿಂದ ಕೊನೆಯವರೆಗೂ ಹೆಚ್ಚಿನ ಉರಿಯಲ್ಲಿ ಬೇಯಿ ಸುವುದು ಸರಿಯಾದ ವಿಧಾನವಲ್ಲ. ನೀರು ಕುದಿಯಲು ಪ್ರಾರಂಭಿಸಿದ ನಂತರ, ಉರಿಯನ್ನು ಕಡಿಮೆ ಮಾಡಿ ಪಾತ್ರೆಯನ್ನು ಮುಚ್ಚಿಡಿ. ಕಡಿಮೆ ಉರಿಯಲ್ಲಿ, ಹಬೆಯ ಸಹಾಯದಿಂದ ಅಕ್ಕಿಯು ನಿಧಾನವಾಗಿ ಬೇಯುತ್ತದೆ.

ಇದರಿಂದ ಅಕ್ಕಿಯ ಕಾಳುಗಳು ಸಿಡಿದು ಒಡೆಯುವ ಸಾಧ್ಯತೆ ಕಡಿಮೆಯಾಗುತ್ತದೆ ಅಲ್ಲದೆ ಸಂಪೂರ್ಣವಾಗಿ ಮತ್ತು ಮೃದುವಾಗಿ ಬೇಯುತ್ತವೆ.ಸುಮಾರು 10 ರಿಂದ 12 ನಿಮಿಷಗಳ ಕಾಲ ಬೇಯಿಸಿದ ನಂತರ ಅಕ್ಕಿ ಬೆಂದಿದೆಯೇ ಎಂದು ಪರಿಶೀಲಿಸ ಬಹುದು. ಅಕ್ಕಿಯಂತಹ ಉದ್ದನೆಯ ಕಾಳುಗಳಿಗೆ ಈ ವಿಧಾನ ಅತ್ಯುತ್ತಮ

*ಅನಿಲದ ಉರಿಯನ್ನು (ಗ್ಯಾಸ್) ಆರಿಸಿದ ತಕ್ಷಣವೇ ಅದನ್ನು ತೆರೆಯಬೇಡಿ

ಅನ್ನ ಬೆಂದ ನಂತರ, ಉರಿಯನ್ನು ಆರಿಸಿ, ಪಾತ್ರೆಯನ್ನು ಮುಚ್ಚಿ ಸುಮಾರು 5 ನಿಮಿಷಗಳ ಕಾಲ ಹಾಗೆಯೇ ಬಿಡಿ. ಇದನ್ನು 'ದಮ್ ಕೊಡುವುದು' ಅಥವಾ 'ಸ್ಟೀಮಿಂಗ್ (Steaming)' ಎನ್ನಲಾಗುತ್ತದೆ.

ಈ ಸಮಯದಲ್ಲಿ ಅನ್ನದಲ್ಲಿರುವ ತೇವಾಂಶವು ಸಮನಾಗಿ ಹರಡಿಕೊಳ್ಳುತ್ತದೆ. ನಂತರ, ಮುಚ್ಚಳವನ್ನು ತೆಗೆದು, ಅನ್ನವನ್ನು ಜೋರಾಗಿ ಕಲಕುವ ಬದಲು ನಿಧಾನ ವಾಗಿ ಮೇಲಕ್ಕೆತ್ತಿ ಸಡಿಲಗೊಳಿಸಿ (fluff). ಇದಕ್ಕಾಗಿ ಫೋರ್ಕ್ ಅಥವಾ ಚಪ್ಪಟೆ ಯಾದ ಸೌಟನ್ನು ಬಳಸಿ.

*ಫ್ರೈಡ್ ರೈಸ್ ತಯಾರಿಸಲು ಅನ್ನವನ್ನು ಹೇಗೆ ಸಂಗ್ರಹಿಸಬೇಕು?

ನೀವು ನಿರ್ದಿಷ್ಟವಾಗಿ ಫ್ರೈಡ್ ರೈಸ್ ಮಾಡುತ್ತಿದ್ದರೆ, ಅನ್ನ ಬೆಂದ ನಂತರ ಅದರ ಅಕ್ಕಿ ಕಾಳುಗಳು ಒಂದಕ್ಕೊಂದು ಅಂಟಿಕೊಳ್ಳದೆ ಬಿಡಿಬಿಡಿಯಾಗಿರುವಂತೆ ನೋಡಿ ಕೊಳ್ಳಿ. ಬಿಸಿಯಾದ ಅನ್ನವನ್ನು ಜೋರಾಗಿ ಒತ್ತುವುದು ಅಥವಾ ಕಿಚಿಯುವು ದನ್ನು (ಮ್ಯಾಶ್ ಮಾಡುವುದನ್ನು) ತಪ್ಪಿಸಿ.

ಅನ್ನವನ್ನು ನಿಧಾನವಾಗಿ ಕಲಕುವುದರಿಂದ ಅಕ್ಕಿ ಕಾಳುಗಳು ಒಡೆಯುವುದಿಲ್ಲ ಮತ್ತು ಫ್ರೈಡ್ ರೈಸ್ ಉತ್ತಮ ಹದವನ್ನು ಪಡೆಯುತ್ತದೆ. ಈ ಅನ್ನವನ್ನು ನೀವು ಜೀರಾ ರೈಸ್, ವೆಜಿಟೇಬಲ್ ರೈಸ್ ಅಥವಾ ಮಸಾಲಾ ರೈಸ್ ತಯಾರಿಸಲೂ ಬಳಸಬಹುದು.

ಆದಾಗ್ಯೂ, ಪ್ರತಿ ಬಗೆಯ ಖಾದ್ಯಕ್ಕೂ ಅನ್ನದ ಸರಿಯಾದ ಹದವನ್ನು ಕಾಯ್ದುಕೊ ಳ್ಳುವುದು ಅತ್ಯಗತ್ಯ. ಇನ್ನು ಅನ್ನಕ್ಕೆ ಅಕ್ಕಿ ಬೇಯಲು ಇಟ್ಟಾಗ ನೀರಿಗೆ ಒಂದು ಚಮಚ ಎಣ್ಣೆ ಮತ್ತು ಕೆಲವು ಹನಿ ಲಿಂಬೆ ರಸ ಹಾಕಿ, ಇದರಿಂದ ಅನ್ನ ಉದುರುದು ರಾಗಿ ಬರುತ್ತದೆ.