![ಮಂಗಳೂರು: ಬಸ್ ತಂಗುದಾಣದಲ್ಲಿ ನವಜಾತ ಶಿಶು ಪತ್ತೆ ಮಂಗಳೂರು: ಬಸ್ ತಂಗುದಾಣದಲ್ಲಿ ನವಜಾತ ಶಿಶು ಪತ್ತೆ](https://blogger.googleusercontent.com/img/b/R29vZ2xl/AVvXsEjPmK54FeWLZMsmY5CPhG2bUGOx9IwHhrh-MzPdAi4x5yYrQqkLmMxthWGCcL78n8HWwx8xQVrm9t_0S-y6ctj9Brc4tG9F4Y1B0der0alanLfpJIdK1qPPF_G4tIegHZ8EouCiKmkxwVY/s1600/1676615717122179-0.png)
ಮಂಗಳೂರು: ಬಸ್ ತಂಗುದಾಣದಲ್ಲಿ ನವಜಾತ ಶಿಶು ಪತ್ತೆ
Thursday, February 16, 2023
ಮಂಗಳೂರು: ನಗರದ ಸ್ಟೇಟ್ಬ್ಯಾಂಕ್ ಸಮೀಪದ ಬಸ್ ತಂಗುದಾಣವೊಂದರಲ್ಲಿ ನವಜಾತ ಶಿಶುವೊಂದು ಗುರುವಾರ ಪತ್ತೆಯಾಗಿದೆ ಎಂದು ಪಾಂಡೇಶ್ವರ ಪೊಲೀಸರು ತಿಳಿಸಿದ್ದಾರೆ.
ಪಾಪಿ ತಾಯಿಯೊಬ್ಬಳು ಈ ನವಜಾತ ಗಂಡು ಶಿಶುವನ್ನು ತೊರೆದು ಹೋಗಿದ್ದಾಳೆ. ಈ ಶಿಶುವಿನ ತಲೆಯಲ್ಲಿ ಸಣ್ಣ ಗಾಯವಾಗಿದೆ. ಈ ಹಿನ್ನೆಲೆಯಲ್ಲಿ ಪಾಂಡೇಶ್ವರ ಪೊಲೀಸರು ಈ ಶಿಶುವನ್ನು ವೆನ್ಲಾಕ್ ಜಿಲ್ಲಾಸ್ಪತ್ರೆಗೆ ದಾಖಲಿಸಿದ್ದಾರೆ. ಜನ್ಮತಳೆದು 10 ದಿನಗಳಾಗಿರುವ ಈ ಶಿಶುವಿನ ಆರೋಗ್ಯ ಸ್ಥಿರವಾಗಿರದ ಕಾರಣ ಐಸಿಯುನಲ್ಲಿರಿಸಲಾಗಿದೆ ಎಂದು ತಿಳಿದು ಬಂದಿದೆ.