ಕೇರಳ :ಮಂಡಿ ನೋವೆಂದು ಅಳುತ್ತಿದ್ದ ಬಾಲಕ! ಎಕ್ಸ್-ರೇ ರಿಪೋರ್ಟ್ ನೋಡಿದ ವೈದ್ಯನಿಗೆ ಕಾದಿತ್ತು ಭಯಾನಕ ಸಂಗತಿ...!!!
Monday, February 16, 2026
ಕೆನಡಾದಲ್ಲಿ ನರ್ಸ್ ಆಗಿ ಕೆಲಸ ಮಾಡುತ್ತಿರುವ ಮಹಿಳೆ, ಎನಾರ್ಕುಲಂ ಸಮೀಪದಲ್ಲಿರುವ ಮೆಡಿಕಲ್ ಟ್ರಸ್ಟ್ ಆಸ್ಪತ್ರೆಗೆ ತನ್ನ ಮಗನನ್ನು ಕರೆದುಕೊಂಡ ಬಂದರು. ಈ ವೇಳೆ, ವೈದ್ಯರ ಬಳಿ ಆತ ಕಳೆದ ನಾಲ್ಕು ತಿಂಗಳಿಂದ ಮಂಡಿ ನೋವು ಎನ್ನುತ್ತಿದ್ದಾನೆ. ಕೆಲವೊಮ್ಮೆ, ಸೊಂಟದ ಭಾಗದಲ್ಲಿ ವಿಪರೀತ ನೋವಾಗ್ತಿದೆ ಎಂದು ಅಳುತ್ತಾನೆ ಎಂದು ಸಮಸ್ಯೆ ವಿವರಿಸದರು. ಸೊಂಟಕ್ಕೂ, ಮಂಡಿಗೂ ಏನು ಸಂಬಂಧ? ಅಂತದ್ದೇನಾಯಿತು ಮಗುವಿಗೆ? ಎಂದು ಯೋಚಿಸಿದ ಡಾಕ್ಟರ್, ತಕ್ಷಣವೇ ಎಕ್ಸ್-ರೇ ಮಾಡಿಸಲು ಸೂಚಿಸಿದರು.
12 ಸೆ.ಮೀ ಪೆನ್ಸಿಲ್ ತುಂಡು
ಕೂಡಲೇ ಎಕ್ಸ್-ರೇ ಮಾಡಿಸಿಕೊಂಡು ಬಂದ ಮಹಿಳೆ, ವೈದ್ಯರ ಕೈಗೆ ರಿಪೋರ್ಟ್ ನೀಡಿದರು. ಇದನ್ನು ತೆರೆದು ನೋಡಿದ ಡಾಕ್ಟರ್ಗೆ ಮಗುವಿನ ಬೆನ್ನಿನಲ್ಲಿ 12 ಸೆ.ಮೀ ಉದ್ದದ ಪೆನ್ಸಿಲ್ ತುಂಡು ಇರುವುದು ಅಚ್ಚರಿ ತಂದಿತು. ಪೆನ್ಸಿಲ್ ಇರುವ ಸ್ಥಳವನ್ನು ಗುರುತಿಸಲು ಅಲ್ಟ್ರಾಸೌಂಡ್ ಮತ್ತು ಎಂಆರ್ಐ ಸ್ಕ್ಯಾನ್ಗಳನ್ನು ಬಳಸಿದ ವೈದ್ಯರು, ಕಡೆಗೂ ಶಸ್ತ್ರಚಿಕಿತ್ಸೆಯ ಮೂಲಕ ಪೆನ್ಸಿಲ್ ಅನ್ನು ಹೊರತೆಗೆದಿದ್ದಾರೆ. ಅದೃಷ್ಟವಶಾತ್ ಯಾವುದೇ ಪ್ರಮುಖ ರಕ್ತನಾಳಗಳಿಗೆ ಪೆನ್ಸಿಲ್ ತುಂಡಿನ ತುದಿ ಭಾಗವು ಹಾನಿ ಮಾಡಿಲ್ಲ ಎಂದು ಡಾ. ಜಾನಿ ವಕಯಿಲ್ ಫ್ರಾನ್ಸಿಸ್ ತಿಳಿಸಿದ್ದಾರೆ.
ಪೆನ್ಸಿಲ್ ತುಂಡು ಅಲ್ಲಿಗೆ ಹೋಗಿದ್ಹೇಗೆ?
ನಾಲ್ಕು ತಿಂಗಳ ಹಿಂದೆ, ಕೆನಡಾದ ತನ್ನ ಶಾಲೆಯಲ್ಲಿ ಆಟವಾಡುತ್ತಿದ್ದ ಬಾಲಕ, ಏಕಾಏಕಿ ಮತ್ತೊಂದು ಮಗುವಿನ ತೊಡೆಯ ಮೇಲೆ ಕೂತಿದ್ದಾನೆ. ಈ ವೇಳೆ, ಕೆಳಗೆ ಕುಳಿತಿದ್ದ ಪೋರನ ಕೈಯಲ್ಲಿದ್ದ ಪೆನ್ಸಿಲ್ ಎರಡು ತುಂಡಾಗಿ, ಅದರ ಒಂದು ತುದಿ ಬಾಲಕನ ಬೆನ್ನಿನೊಳಗೆ ಹೊಕ್ಕಿದೆ. ಮತ್ತೊಂದು ತುಂಡು ಸಿಕ್ಕಿರಲಿಲ್ಲ. ಮಗುವಿಗೆ ಗುದದ್ವಾರದ ಭಾಗದಲ್ಲಿ ಆಗಿದ್ದ ಗಾಯವು, ಔಷಧಿಗಳಿಂದ ಗುಣವಾಗಿತ್ತು. ಆದ್ರೆ, ಒಳಗೆ ಹೊಕ್ಕಿದ್ದ ಪೆನ್ಸಿಲ್ ತುಂಡು ಮಾತ್ರ ಮಂಡಿ ಮತ್ತು ಸೋಟದಲ್ಲಿ ನೋವು ಕೊಡುತ್ತಿತ್ತು. ಈ ಬಗ್ಗೆ ಬಾಲಕನಿಗಾಗಲಿ ಅಥವಾ ಅವನ ತಾಯಿಗಾಗಲಿ ಕಿಂಚಿತ್ತು ಅರಿವಿರಲಿಲ್ಲ,(ಏಜೆನ್ಸೀಸ್).